星期日, 3月 31, 2013

給金正恩看的《白宮淪陷》


在戲院看《白宮淪陷》,對照現實中的北韓金正恩宣布與南韓進入「戰爭狀態」,又警告南韓與美國,任何挑釁行動都會迅速升級為全面戰爭和核戰後,電影的虛構與現實的跋扈,得出的結論是,《白宮淪陷》應該是專門拍給金正恩看的,而且他很有可能已經看過,才有現時的決定。

其實我是很膚淺觀眾,既愛看校園青春片,又容易被廉價的荷里活式情節感動,喜歡看炮彈亂飛的刺激視覺效果,愛看美國的偽民主激昂,又更想看到這個國家淪陷,但說到底,劇情的底線,最少要給我合理一點點吧?太過脫離現實,很難投入啊,怎能看得開心,而《白宮淪陷》應該是太着意討好肥仔恩,所以變得不好看,甚至說是難看。

故事說美國統總遭到車禍(應該是人為的,可惜佢死唔去),喪妻後順利連任,但忠心的保衛者被調離身邊。年半之後,北韓又發顛,令到亞洲局勢緊張,於是找來南韓總統去白宮會面商議對策。兩國元首共聚白宮之劑,大概因為沒搽白宮痔瘡膏,所以還未坐暖就被恐怖分子入侵,先有戰機闖入領空開火,然後白宮附的暴民發難進攻。

隨從立即保護兩位總統,一拼帶到固若金湯的地下室,然後發現南韓總統身邊的人,全部都係北韓恐佈份子,總統同美國最有權力的人齊集,輸入三組密碼就可以啟動全國核武催毀程序,到時全國就冚包散。

結局?當然係保衛者單天保至尊,死得人多但總統無事,美國再度站起,而且更加堅強。

下?咁肥仔恩點會落搭?原因在於,戲中講攻入白宮,只靠高大有腦、有型有款的頭目,再加40件成員就成事,男的健碩女的懺瘦,個個都睇得又打得,唔要命忠心於國家,仲有電腦專才添。

嘩嘩嘩,隨便一個北韓恐份子都型過晒南韓的死矮仔總統,又將美國統總玩弄於股掌之下,仲居然拎到美國研製中的下一代新型武器,諗起都high過去北韓也也樂園玩機動遊戲,直頭用imac打機都冇咁有快感。

至於結局,矮仔恩自詡有樣有智慧,梗係唔會好似家下咁啦,一個唔該唔係攻陷白宮,而係入住白宮,大地在我腳下,威到冇朋友。

問題係,如果咁樣的劇情都有人信,白宮應該淪陷咗十九幾萬次,唔知要排幾耐先輪到矮仔恩。

導演,你呃到矮仔恩,但呃我唔到o既。

沒有留言: