星期日, 1月 04, 2009

娛樂性豐富的樂壇頒獎禮

都說是大眾娛樂,當然要娛樂大眾,即是呢,你唔識那些歌手,覺得那些「金曲」超難聽,都不要緊,因為總有一些環節會令人永誌難忘。例如當年許志安與sammi的「廚房宣言」,那一屆有甚麼歌得獎?忘了,但你總記得這對過氣情侶的感人一刻。

今年的勁歌金曲頒獎典禮,肯定會被網民寫入經典,只因有以下拿錯獎的一幕,錯得咁好笑,錯得咁經典,絕對係一絕!

即係呢,得獎的是關菊英(已經好騎呢),但後面的關心妍,一聽到個「關」字,竟然衝出拎獎,仲要同菊姐擁抱,幾乎想講埋感想,呢舖,真係.......有冇潮語可以形容?若果我係佢,即刻搵窿捐。
仲有呢一幕,唉,明叫佢去死,同陳奕迅合唱,慘過同郭富城比舞,所謂「K歌之王」,通常都係走音的.....自己睇片(請留意曾志偉有骨的對白),都係o個句,好彩網上有youtube。

2 則留言:

cherry 提到...

關心妍恨獎恨到發燒!

LEWIS 提到...

我收工回到家,剛看到最受歡迎男女歌手獎,女的有名叫喊包,哭到妝都溶,pa圈佢叫佢快唱,佢仲搶白要講下去,一派臭吋自私港女的典型。
至於男的那個,又娘娘腔哭到崩堤,香港未陸沉,地球未停轉,唔駛喊咁多住。
唔該 !