星期二, 11月 04, 2008

財經補習班

也許該慶幸,因為家門不幸,我連一手匯豐都買不起,所以面對升跌市都可以作為旁觀者,否則以我的急躁性格,面對這場海嘯,肯定多多錢都輸光。

也許該慶幸,因為早年遭小人迫害,被迫要面對那些財經新聞,因而要急補經濟知識,可惜對金融股票的數字提不起興趣,卻開始愛看經濟理論的書本,當然是要趣怪內容為主,又不是要讀書考試拿學位,沒必要令自已太辛苦,但是愈看下去,卻覺得愈有趣。

後來成為《信報》的忠實讀者,但基於環保(實質是慳家),一般都是等朋友看完後,定期再拿那些「隔夜報紙」給我,但因私務繁忙,那些報紙往往是變得發黃還未看完。今年初用了個多月時間清理過去3年(嚇人紀錄,好像拾荒婦)的舊報紙,但後來又再累積起來,現時又有過百份發黃報紙放在廳中角落,已經成功培殖了生命力頑強的新品種蚤子,真是功德無量。

近日決定要在新年清令家居回復淨土(恐怕難以如願!!),於是又拾起報紙細看,噢!才發現朋友以為我不看《曹仁超日記》那一疊,所以都抽起了,唉~~~只好在網上再找來看,雖然內容大都是「過時」了,但智慧卻沒有落伍,尤其是海嘯之前,值得太家細意重看。

以下是曹仁超對金融名詞的新解:

基礎分析:係分析員用盡方法去解釋個市點解唔會跌,但個市仍然係咁跌。

機構投資者:就係o係跌市中仍大手拋售o既人,我o地叫佢地做機構投資者。

衍生產品:就係你唔識,但係就可以令你輸錢o既工具。

Market report:係大經紀行向客戶解釋點解你會輸錢o既報告。

財務管理:輸o左錢後,3個月先至話你知。

P/E(市盈率):係用舊年純利幾吸引去呃你入局,然後明年純利大跌,P/E大升。

止蝕沽盤:通常都唔記得做o既事。

技術分析員:講就頭頭是道、做就損失慘重o既人。

股神:只o係牛市出現、熊市消失o既人。

上升軌:通常o係「過去」走勢中先至搵到o既趨勢。

對沖:自己都唔知應該睇好、睇淡o個陣;同時沽出o個隻已升股,買入隻日後大跌股o既行為。

專家:累你輸錢後,仍有好多理由解釋o既人。

相反理論:即係我唔同意你o既睇法,又唔知點駁你o個陣o既借口。

沒有留言: