星期三, 2月 07, 2007

絕對支持煲呔!!

小圈子選舉o既特色,係未選已知道結果。煲呔今次唔可以無聲連任,都唔知係好彩定唔好彩。但按照路邊社觀察,佢肯定會雙贏,即係又贏民意又贏選票。

凡事要講表態,袋巾定煲呔?就客觀環境o黎睇,所謂客觀,不外乎咪政綱同阿爺,咁我都相信好多人都會揀煲呔,所以咪話班商家佬虛偽!我都撐煲呔o架,唔該快o的俾張票我,等我表o下態都好o丫,可惜,大家有得睇冇得揀,o徒氣!

不過咁,就主觀環境o黎睇,我揀袋巾,所謂主觀,不外乎人品同印象,至於政綱咯,係人都知係「參考料資」,失真程度肯定高過大家樂o個o的乜乜餐、乜乜煲o既宣傳相。煲呔份人,總結一句:虛偽自大。

虛偽者,從佢宣布參選前講o個o的說話,已經嘔幾次,盲眼人都聽得出佢一定選,但重扮晒o野暗示明示睇唔起對手。同佢平時講一套做一套一樣樣,一方面話要保育,另一方面又話因經濟問題要乜都拆。凡事走精面,西九銷售稅同話減稅,全部都係古惑招,全部都係委屈下屬益自己。嘔嘔嘔嘔~~~~

自大者,最憎佢閉門見選委,點解唔可以公開,o個o的選委唔見得人咩?係咪閉門分餅仔?重好意思講明話當選後會傾向親政府政黨。佢唔使拜票,o的票就會飛埋身,可見o個o的左派選委真犯賤!至於論壇咯,佢根本唔想去,費事益袋巾o掛,規矩又要自己話事,真係乜都佢講晒。

煲呔一向同商家佬行得埋,自從佢做o左特首,商家佬重惡過以前好多,大家諗下點解會咁呢?以後會唔會更犀利呢?呢份工做好做!

有一票在手,揀錯揀輸可以捶自己心口,好過要睇800人做小丑。

沒有留言: